December 18th, 2009: DJADUMINGU 20 DI DESEMBER DIN DOMACASSE NA BO TV & NOS TV DEN E PROGRAMA “KANJERS VAN GOUD”
Edwin (Din) Domacassé, Chief Ranger di e parke supmarino di STINAPA Bonaire a risibí e kondekorashon di mas haltu ku Nationale Postcode Lotterij ta duna i un chèk di 20.000 euro pa STINAPA.
Algun siman pasá miéntras ku Din tabata hasi su trabou komo Chief Ranger den nos parke supmarino, kámaranan tabata graba Din den su funshon. Esaki a sosodé pasombra Din a keda postulá pa Wereld Natuur Fonds di Hulanda pa e risibí e kondekorashon di ‘Gouden Wimpel’ di Nationale Postcode Lotterij. E kondekorashon aki ta esun di mas haltu ku Nationale Postcode Lotterij ta duna na un hende ku ta dediká su mes pa un mihó mundu. Di e moda aki a rekonosé Din, kenda pa mas ku 15 aña kaba ta traha na STINAPA i tur dia, ku alma, amor i dedikashon e ta sali dilanti pa protekshon di nos naturalesa di bou di laman. For di Hulanda a bin Boneiru un ekipo di televishon pa a graba Din den su trabou.
E programa di televishon ku a graba aki na Boneiru yamá “Kanjers van Goud” di e presentadó Winston Gerschtanowitz. E lo pasa djadumingu 20 di desèmber och’or di anochi, na BO TV i tambe na NOS TV.