October 19th, 2008: Kantidat grandi di kolbra morto den nos parke submarino

Kralendijk- Ta pa algun siman kaba ku esnan ku ta kana kantu di nos kosta òf ku ta bai bou di awa ta topa ku kolebra sea morto òf kèns, i kasi morto. Funshonarionan di e parke submarino di imediato a tuma e asuntu aki na serio i huntu ku e estashon di enbestigashon marino de CIEE na Boneiru a hasi un enbestigashon interno dor di hasi outopsia ku algun di e kolebranan. Resultadonan di e enbestigashon aki ta mustra ke e posibel kousa ta un infekshon bakterial pero e resultadonan no ta konklusivo . Tempu ta pasa i kolbranan ta sigui muri i awor te asta tin piská di ref ku ta muriendo. E mènedjer di e parke submarino, Ramon de Leon, a pidi ayudo di afó pa wak si nos por haña sa kiko ta pasando ku nos piskanan. For di dia 21 pa 26 di òktober lo bishitá Boneiru Dr. Ernest Williams di universidat di Puerto Rico na e suidat di Mayaguez. Dr. Williams ta un eksperto den malesa di piská i posibelmente e por bisa nos dikon tin un kantidat asina haltu di kolbera ta muriendo.

Pa esnan ku entre awor i dia 20 di òktober topa ku kolebra òf otro piska morto òf kèns pa kohe nan i yama Marine Park na 717 8444, 786 8444 of Dr. Rita Peachey di CIEE na telefon 786 7394. Paga tino si pasobra si e bestia a kuminsa putri kaba no por us’e, asina es yama solamente si e bestia ta resientemente morto 717 8444 òf na 786 8444.

 

 

« Close window