October 7th, 2008: Limpiesa di Klein Bonaire tabata un éksito
Limpiesa na Klein Bonaire djadumingu tabata un éksito kompleto. Bastante boluntario riba pia for di oranan tempran di mainta pa duna un man pa hasi kosta di e isla aki limpi.
Djadumingu último tabata e dia riba kua a hasi kosta di Klein Bonaire limpi.
Tur aña den sèptèmber huntu ku hopi otro paisnan na mundu, nos aki na Boneiru tambe ta partisipá den e programa di ‘Limpiesa di Kosta’ ku ta kai bou di e organisashon mundial ‘Ocean Conservancy’. E meta pa limpia e isla di Klein Bonaire ta pa mantené esaki limpi di sushedat pa turtuganan ku ta subi pa pone webu pero tambe pa e yunan ku ta kla pa bai laman.For di shet’or di mainta tabatin boluntarionan akumulando na Harbour Village Marina pa duna un man ku e limpiesa anual aki. Un kantidat di 61 persona a registrá e mainta aki pa bai hasi limpi.
Ku yudansa di e botonan Wood Wind i Kantika di Amor a transportá e boluntarionan pa Klein Bonaire.
Tur hende a baha na No Name bich i a limpia di e playa ei te na e sitio di sambuyá Nearest point. Tabatin un total di 128 saku di sushi akumulá.
Trahadónan di SELIBON a hasi hopi bon trabou ku nan trùk riba waf na unda tur sushi ta keda deponé mes ora.
E aña aki tabatin un komponente nobo den e akshon aki. Tur aña tin boluntarionan ku ta hasi super bon trabou den pikimentu di sushi. Nan ta yena tantísimo sakunan di sushi.
E aña aki pa honrá e personanan aki a saka un Rei i un Reina den e boluntarionan. Esaki ta trese tambe un ambiente mas agradabel i positivo den henter e akshon.STCB i STINAPA kier a yama danki ta bai na tur ku a yuda riba e mainta aki. I un danki spesial na Jong Bonaire ku tur aña di nobo ta partisipá ku grupo grandi di hóben.
