April 4th , 2008: 10 AÑA DEN SERVISIO DI STINAPA BONEIRU
Resientemente Nestor Janga a kumpli 10 aña den servisio di STINAPA Boneiru.
Seis di aprel 1998, Nestor a kuminsá traha na STINAPA, su posishon aktual ta Ranger di Washington Slagbaai Parke Nashonal.
Djaweps último, huntu ku su famia, miembronan di direktiva i koleganan a selebrá e echo memorabel aki. E selebrashon a tuma lugá na Parke Nashonal Washington Slagbaai.
Nestor ta splika nos ku e mayoria di tempu e ta traha den sentro di bishitante, bende karchinan di entrada i duna bishitantenan informashon. Tambe e ta traha pafó den mondi kap ramanan for di kamindanan di Parke. E ta yuda e turistanan ora nan tin mester di yudansa. Loke ku Nestor ta haña mas dushi di su trabou, ta e komunikashon ku e bishitantenan.
Nos ta deseá Nestor hopi aña mas di servisio na STINAPA.