June 20th, 2011: Komunikado-Entrega di premio na ganadó di e kampaña di bùmper steker di STINAPA
TELBO NV. a regalá un aña di Internet i MITV gratis na Sra. Antonella Binelli, otro ganadó di STINAPA su kampaña di bùmper steker. Sra. Binelli a pega steker riba su outo i asina a partisipá den e kampaña di konsientisashon di karkó: Laga nan na pas, pa mañan nos tin mas. Fin di e siman aki lo bai saka mas premio pa esnan ku tin steker pegá riba nan outo.
Sr. Hennyson Thielman, representante di Telbo NV. a entregá Sra. Binelli su premio.
STINAPA ta yama danki na TELBO NV ku a kontribuí ku e kampaña di bùmper steker di STINAPA. Keda pendiente pasobra lo bai tin mas regalo di TELBO NV den e lunanan benidero.
Pa esnan ku suèrte no a toka nan e bia aki, fin di e siman aki tin un chèns atrobe pa kai den premio.
Djawór te na Mart 2012, kada dos siman, STINAPA su hendenan lo paga tinu riba outo nan riba kaya ku tin e steker pegá i saka potrèt di nan plachi di number i publiká esaki den korant ku e premio ku ta korespondé na dje.
STINAPA ta hasi un yamada na tur outomobilista pa nan plak e steker riba outo pa nan por kai den e premionan fabuloso ku lo keda repartí. Esun ku no tin nan steker ainda por pasa tuma esaki na ofisina di STINAPA na Barcadera, MCB Playa i Hato, na entrada di Washington Park, òf serka e rangernan di STINAPA.
