May 17th, 2011: Komunikado-STINAPA ta bolbe saka ganadó di e kampaña di bùmper steker
Komo parti di e kampaña di konsientisashon tokante di karkó STINAPA ta premia esnan ku tin un steker di e kampaña riba nan outo. E ganadó di biaha aki ta e vehíkulo ku e plachi di number 3776-B. El a gana un ‘Mini Laptop’ di City Shop.
Komo parti di e proyekto di restorashon di karkó den Lac, City Shop a kontribuí ku un ku un ‘Mini Laptop’ na esun ku a pega bùmper steker riba su outo. Pa esnan ku suerte no a toka nan e bia aki, kuminsamentu di luna di Yüni nos lo bolbe saka un ganadó.
Pa un aña largu, kada dos siman, STINAPA su hende nan lo paga tinu riba outo nan riba kaya ku tin e steker pegá i saka potrèt di nan plachi di number i publiká esaki den korant ku e premio ku ta korespondé na dje.
E ganadó di e kampaña e siman aki ta bira doño di e outo riba e potrèt ku plachi number 3776 B. STINAPA ta pidi doño di e outo pa tuma kontakto mas pronto ku ta posibel ku ofisina di STINAPA na telefòn 717-8444. Pa asina por traha un sita pa entrega di premio. Pa esnan ku ke sa ken ta ganadó di e kampaña i sigui aktividatnan di STINAPA mas di aserka, por bai riba nos dos páginanan di FACEBOOK; Karko Bonaire òf NME STINAPA.
Na komienso lo bai saka un premio atrobe. Na tur, pa un aña largu lo bai repartí 24 premionan fabuloso di diferente kompania ku a koperá en grande ku STINAPA.
STINAPA ta hasi un yamada na tur outomobilista pa nan plak e steker riba outo pa nan por kai den e premionan fabuloso ku lo keda repartí. Esun ku no tin nan steker ainda por pasa tum’é na ofisina di STINAPA na Barcadera.
BAN TRESE KARKO BEK, LAGA NAN NA PAS-PA MAYAN NOS TIN MAS.
