Januari 10th, 2011: Stinapa a risibi donashon di El Pueblo Bonaire
STINAPA resientemente a risibí un donashon hopi práktiko di El Pueblo Bonaire den forma di un ‘ofisina mobil'. Pasobra STINAPA a ser ekspandé ku un departamentu nobo ku yama Natural & Historic Resources, tabatin nesesidat pa mas espasio di ofisina.
E departamentu nobo aki ta konsentrá su mes riba maneho di naturalesa di Boneiru i mantenshon di nos rekursonan natural i históriko. Fernando Simal ta gerente di e departamentu aki. Ya ku den e ofisina prinsipal di STINAPA mes no tabatin espasio pa ekspanshon, Fernando a sali en buska di un solushon. Su alegria pues tabata grandi ora ku Rob van den Berge, gerente di El Pueblo Bonaire a ofres'é un ‘ofisina mobil' di 20 pia.
Ora a puntra Rob van den Berge pa su motivashon pa e donashon generoso aki, el a splika ku e ta haña ku ta di gran importansha ku ta mantené naturalesa di Boneiru mas mihó posibel. Un bon koperashon entre gobièrnu, desaroyadónan i organisashonnan di naturalesa lo por duna un apoyo positivo na esaki. Nos naturalesa ta di gran importansha. Ta e motor bèrdè di nos ekonomia.
Riba e portrèt por wak office manager di El Pueblo, Amanda Castan, i Fernando Simal dilanti di e ‘ofisina mobil', ku ya kaba a ser tumá den uso.
