February 10th, 2010: Muchanan di Kolegio Kristu Bon Wardador a finalisá e programa “Turtuganan di Boneiru”
Tur aña e departamento di edukashon di STINAPA ta invitá muchanan di skolnan básiko pa partisipá na e programa di ‘Turtuganan di Boneiru’. Den e programa nos ta sera e muchanan konosí ku e aktividat di snòrkel i bida bou di laman. Ta un programa pa muchanan di grupo 6 Durante e programa aki ku ta dura 5 siman e muchanan ta haña lèsnan tantu teorétiko komo práktiko.
Nan ta siña e reglanan i algun di e leinan di nos Parke Marino i tokante e bida bou di laman. Tambe nan ta siña e parti di seguridat pa ku e aktividat aki. Durante e programa aki nos ta pone énfasis riba e espesienan di laman ku ta protehá pa leinan internashonal.
Tur aña un kantidat di alrededor di 120 mucha ta partisipá na e programa aki.
Djabièrnè dia 5 di febrüari e muchanan di Kolegio Kristu Bon Wardador a risibí nan sertifikado di partisipashon.Nos ta gradisí e kordinadónan pa nan koperashon.
